Ilbieraħ il-Forzi Armati ta’ Malta interċettaw żewġ bastimenti tas-sajd Tuneżini li kienu qed jistadu fiż-żona Maltija ta’ konservazzjoni għas-sajd fil-Punent ta’ Għawdex.
Fi stqarrija, il-Forzi Armati ta’ Malta qalu li s-suldati telgħu abbord dawn iż-żewġ bastimenti u ġew skortati lejn il-Port il-Kbir matul il-lejl għal aktar investigazzjoni mid-Dipartiment tas-Sajd Malti u l-Pulizija Maltija.
