L-assistent kowċ ta’ Roma, Salvatore Foti, ġie sospiż tliet logħbiet wara li ġie mkeċċi waqt il-logħba kontra Feyenoord mill-UEFA Europa League. Fil-fatt l-assistent ta’ Jose Mourinho mhux se jkun disponibbli għal-logħba ta’ ritorn kontra Bayer Leverkusen u lanqas jekk eventwalment i Giallorossi jaslu sal-finali.
Għal Foti din hi l-ewwel esperjenza ta’ kowċing ma’ tim rinomat u ilu jgħin lil Mourinho sa mill-bidu ta’ dan l-istaġun.
