L-atleta Mo Farah qed jipprepara biex jagħti l-addio lill-Maratona ta’ Londra hekk kif ħabbar li se jipparteċipa fiha qabel ma jirtira mill-karriera tiegħu.
L-erba’ darbiet champion Olimpiku, li għandu 39 sena, ħabbar li din is-sena tkun l-aħħar sena ta’ tlielaq kompetittivi.
Meta mistoqsi jekk il-Maratona ta’ Londra hijiex se tkun l-aħħar tellieqa tiegħu, huwa wieġeb li f’dan l-istadju se jieħu “tellieqa wara oħra” u jiddeċiedi jekk ikomplix. Peró din se tkun l-aħħar sena tiegħu.
“Mingħajr il-partitarji ma naħsibx li qatt kont nikseb dak li għandi,” qal Farah.
“Huwa sabiħ li f’dan l-avveniment se nsellem u nagħti l-addio li nemmen li se jkun pjuttost emozzjonali.”
Iċ-champion tal-10,000m tal-Logħob tal-Commonwealth Eilish McColgan se tagħmel id-debutt tagħha fil-maratona li se ssir fit-23 ta’ April.
Kemm Farah kif ukoll McColgan kellhom jiġru fl-2022 iżda kellhom jirtiraw minħabba problemi ta’ fitness.
Il-Maratona ta’ Londra reġgħet ħadet postha fil-kalendarju sportiv hekk kif se ssir għall-ewwel darba wara nuqqas ta’ tliet snin minħabba l-pandemija tal-Covid-19.
