Fit-Tazza Asjatika, li qed issir fil-Qatar, l-Awstralja rreġistraw it-tieni rebħa minn daqstant logħbiet meta din id-darba għelbu lis-Sirja bl-iskor ta’ 1-0 biex flimkien mal-Qatar għaddew mal-Aħħar 16.
Wara taqsima mingħajr goals, kien Jackson Irvine (59) li għamel id-differenza bejn iż-żewġ timijiet.
*L-Uzbekistan għamlu pass tajjeb biex jikkwalifikaw għar-round li jmiss meta għelbu lill-Indja bl-iskor ta’ 3-0, bl-iskorers ikunu Abbosbek Fayzullayev (4), Igor Sergeev (18) u Sherzod Nasrulloev (45).