Minn Victor Vella
Fl-aħħar jiem rajna kif ġrupp ta’ persuni jintbagħu lura lejn pajjiżhom. La ingħad kemm intbagħu persuni u lanqas lejn liema pajjiż. Inewsmalta staqsiet dwar dan lill-Ministeru tal-Intern. Staqsejnieh speċifikatament lejn liema pajjiż intbagħu u kemm intbagħtu.
Kelliem għal Ministeru qalilna li “m’hemmx aktar xi nżid mal-istqarrija li ħarġet nhar it-Tlieta”.
Il-Ministeru qalilna ukoll li “l-ispejjeż relatati ma’ din l-operazzjoni, kif imsemmi fl-istess stqarrija, dawn ġew koperti minn fondi tal-Unjoni Ewropea ddedikati għar-ritorn mill-Fond għall-Ażil, Migrazzjoni u Integrazzjoni. Filwaqt li ma kien hemm l-ebda pajjiż ieħor involut f’din l-operazzjoni.”
Il-persuni li kienu deportati, huma minn barra l-Ewropa u waslu f’Malta irregolarment bil-baħar fl-aħħar sentejn.
Huma ġew ritornati wara li l-proċess tal-ażil iddeċieda li ma kienx ħaqqhom protezzjoni u ma kienx hemm riskji għalihom jekk dawn jintbagħtu lura lejn pajjiżhom.
