Delegazzjoni tat-Task Force għall-Azzjoni Finanzjarja, l-FATF se żżur pajjiżna f’April li ġej, bħala parti mill-istadju finali tal-proċess.
Ħabbar dan il-Prim Ministru Robert Abela waqt diskussjoni li kellu maż-żgħażagħ fl-MCAST.
Il-Prim Ministru qal ukoll kif imbagħad se jkun hemm plenarja f’Ġunju u wieħed jistenna li joħroġ dak ir-riżultat li jixtieq il-pajjiż.
Saħaq li l-Gvern se jara li dak li ġara ma jerġax iseħħ u bil-fatti juri li Malta hija ġurisdizzjoni serja u ta’ eċċellenza.
