Aktar kmieni dalgħodu l-FKNK ressqu protest ġudizzjarju kontra l-Birdlife fejn akkużata b’rapport “Falz u perikoluż”. Permezz ta’ din il-kwerela l-Birdlife talbet li madwar 6,000 persuna jaffaċċjaw multa sa’ €10,000 u sentenza ta’ priġunerija sa massimu ta’ sentejn ħabs kull wieħed.
Il-kelliem għall-FKNK qal li dawn in-nies “jaħsbu li d-dinja ddur madwarhom”. Qal ukoll li l-FKNK pruvat tifhem l-allegazzjoni tal-Birdlife, iżda skonthom din il-kwerela hija biss “immirata biex tagħmel il-ħsara u titfa’ t-tajn lil kull kaċċatur”.
Huma mhux qed jeskludu li jieħdu passi kontra l-Bird Life biex ikunu jistgħu jipproteġu lill-kaċċaturi Maltin u Għawdxin.
