Apparentement ħerqan li jipproteġi lit-team Taljan hekk kif qed jippreparaw għall-partita kruċjali ta’ kwalifikazzjoni tal-Euro 2024 kontra l-Ingilterra wara li għaddiet dik kontra Malta, l-artikolista tax-xnigħat, Fabrizio Corona, ħabbar li mhux se jissemmew aktar ismijiet fl-iskandlu tal-imħatri sa wara t-tisfira finali ta’ għada f’Wembley Stadium.
Din hija direzzjoni kompletament opposta minn Corona u s-sit tiegħu Dillinger News, li wegħdu li jsemmu aktar players, presidenti u figuri oħra nvoluti fl-imħatri llegali.
Hekk kif l-iskadenza waslet u għaddiet, in-nies bdew jistaqsu mistoqsijiet u poġġew filmat li jikkonferma li ma kienu se jippubblikaw xejn aktar fuq din l-istorja sal-10.30 pm ħin tar-Renju Unit ta’ għada t-Tlieta.
Din għandha tkun xi ftit jew wisq it-tisfira finali tal-partita kontra l-Ingilterra f’Wembley Stadium.
Il-ħruġ tal-ismijiet ta’ Sandro Tonali u Nicolò Zaniolo ġiegħelhom iħallu l-kamp Taljan, u ddgħajjef it-team.
Dan wara li l-coach tal-Italja, Luciano Spalletti, wissa lill-players li huma figuri pubbliċi biex ħaddieħor jimpenja ruħu fi “spjunaġġ u profitti” biex jibbenefika mill-indiskrezzjonijiet tagħhom.
Wara l-partita kontra l-Ingilterra, Corona se jkun mistieden fuq xandira diretta ta’ Rai 3, Avanti Popolo, fejn iwiegħed li jgħid ix-xhieda tiegħu.
