Fit-tentattiv biex jissaħħu r-rabtiet u jingħata appoġġ lill-iskwadra ta’ Malta ta’ Taħt id-19-il sena għall-Kampjonat Ewropew li se jibda nhar it-Tnejn li ġej f’pajjiżna, il-Bord Eżekuttiv tal-Malta FA ltaqa’ mal-istess skwadra f’ambjent differenti, ‘il bogħod mill-pitch tal-football. L-avveniment kellu l-għan li jrawwem konnessjonijiet personali u jippermetti lill-membri tal-bord isiru jafu lill-players individwalment f’ambjent differenti.
Waqt din il-laqgħa, il-President tal-Malta FA, Bjorn Vassallo, indirizza lill-iskwadra, fejn fakkarhom fl-unur u fil-privileġġ li jirrappreżentaw lil pajjiżhom f’livell daqshekk għoli. Huwa ħeġġeġ lill-players biex iqisu lilhom infushom ixxurtjati li għandhom l-opportunità li jikkompetu kontra avversarji tal-ogħla livell fit-tournament li ġej. Kliemu kellu l-għan li jnissel sens ta’ kburija u motivazzjoni fi ħdan l-iskwadra hekk kif dawn qed jitħejjew biex jiffaċċjaw sfidi formidabbli kontra pajjiżi kbar – Italja, Polonja u Portugall.
L-iskwadra Maltija, immexxija mill-coach Toze Mendes hija komposta minn:
Goalkeepers: Luca Camilleri (Mosta); Karl Sargent (Birkirkara).
Difensuri: Deacon Abela (Valletta); Ivin Farrugia; Braden Flannery (UNLV Rebels – Stati Uniti); Jake Vassallo (Mosta); Sven Xerri (Hamrun S.).
Midfielders: Andy Borg, Brooklyn Borg (Gzira U.); Bjorn Buhagiar (Hamrun S.); Jake Micallef (Boavista – Portugall); Tristan Viviani (San Diego State University – Stati Uniti); Lucas Caruana (Sampdoria – Italja); Mattia Gambin (Birkirkara); Jake Grech, Benjamin Hili (Balzan); Lucas Scicluna (Wolves – Ingilterra).
Attakkant: Sean Gatt (Boavista – Portugall); Zak Barbara (Valletta); Alfie Bridgman (Bognor Regis Town – Ingilterra); Kian Leonardi (Pietá H.); Isaiah Micallef (Valletta).
