Manifatturi se jkunu mġegħlin joħolqu sistema ta’ ċċarġjar komuni għall-mowbajls u apparat elettroniku żgħir. Dan se jkun qiegħed isir taħt liġi ġdida proposta mill-Kummissjoni Ewropea.
L-għan wara din il-liġi huwa li jonqos l-iskart relatat billi l-konsumatur jiġi mħeġġeġ juża l-istess charger meta jixtru apparat ġdid.
Skont din il-liġi l-ismartphones mibjgħin fl-Unjoni Ewropea għandu jkollhom chargers tat-tip USB-C.
Għal din il-proposta l-Apple rreaġixxiet u qalet li din id-deċiżjoni se twassal għal ħsara fl-innovazzjoni.
