Fl-aħħar sigħat saret laqgħa kordjali bejn FSWS Sedqa u l-Awtorità għall-Użu Responsabbli tal-Kannabis (ARUC) fejn komplew jigu diskussi l-punti ewlenin tas-Service Agreement li ġie ffirmat bejn iż-żewġ entitajiet.
Permezz ta’ dan il-ftehim, Sedqa Malta ser tkompli ssaħħaħ is-servizzi ta’ prevenzjoni u ‘harm reduction’ sabiex ikollha firxa aktar wiesa’ u tilħaq aktar setturi tal-popolazzjoni. Barra minn hekk, dan il-ftehim ser ikompli jsaħħaħ il-kollaborazzjoni bejn iż-żewġ entitajiet.
Preżenti għal din il-laqgħa kien hemm is-Sur Alfred Grixti, Kap Ezekuttiv tal-FSWS, Dr.Joey Reno Vella, Kap Eżekuttiv tal-ARUC, Dr. Janice Formosa Pace, Vice Chairperson tal-ARUC, is-Sur Mark Vella, Chief Officer Compliance and Enforcement fi hdan ARUC, is-Sur Charles Scerri, Direttur tal-Operat tal-Aħenzija Sedqa u s-Sur Jareth Grima, Manager tas-servizzi ta’ Prevenzjoni tal-Aġenzija Sedqa.
