Lazio għadhom kemm akkwistaw is-servizzi tal-winger internazzjonali Daniż Gustav Tang Isaksen. Dan tal-aħħar għandu 22 sena u spikka ferm ma’ Midtjlylland fil-kampjonat Daniż. Hu kien ilu magħhom erba’ snin fejn lagħab 100 logħba u skorja 24 gowl.
Ironikament Isaksen lagħab kontra Lazio fil-15 ta’ Settembru li għadda waqt il-fażi tal-gruppi tal-UEFA Europa League b’Midtjylland li rebħu bl-iskor kbir ta’ 5-1 u bil-plejer żagħżugħ li spikka sew dakinhar.
F’kumment qasir, Isaksen qal li jinsab kuntent li jinsab ma’ dan it-tim kbir u se jagħmel minn kollox biex jgħin lil Biancocelesti jiksbu l-objettivi staġjonali tagħhom.
