Id-difensur ta’ Chelsea, Levi Colwill, ġibed interess minn clubs Taljani minkejja li bħalissa jinsab misluf ma’ Brighton & Hove Albion.
Wara li għamel 32 dehra f’perjodu ta’ self ma’ Huddersfield Town matul l-istaġun li għadda, Colwill ġie ċedut fuq bażi temporanja għat-tieni staġun konsekuttiv.
Iż-żagħżugħ ta’ 19-il sena ingħaqad ma’ Brighton għall-istaġun 2022-23, iżda sabha diffiċli biex jikseb post regolari mat-team wara li deher f’żewġ logħbiet tal-Premier League biss matul dan l-istaġun.
