Is-sewweiq Britanniku tal-Formula Wieħed Lewis Hamilton kien pulzieri bogħod minn traġedja fil-Grand Prix Taljan hekk kif il-karozza tar-rivali tat-titlu Max Verstappen telgħet fuq rasu wara li kellhom jirtiraw mit-tellieqa.
Ir-Red Bull ta’ Verstappen telgħet fuq il-Mercedes ta’ Hamilton, bl-apparat protettiv Halo biss jipprevjeni liċ-champion tad-dinja renjanti minn ġrieħi serji.
Il-karozza tar-Red Bull marret l-ewwel fiż-żrar biż-żewġ sewwieqa joħoru mill-karozza tagħhom mingħajr ġrieħi fl-aħħar avveniment drammatiku fit-taqtiegħa dejjem aktar missileta għar-rebħ tal-kampjonat. Aktar tard nhar il-Ħadd, l-Olandiż ingħata penali ta’ tliet postijiet għall-Grand Prix tar-Russja fi żmien ħmistax.
Verstappen ma ċċekkjax il-kundizzjoni ta’ Hamilton, u minflok daħal fil-pit lane wara li kellem lit-team tiegħu permezz tar-radju, bis-sewwieq Ingliż joħroġ mill-kabina tal-karozza tiegħu ftit minuti wara.
Iż-żewġ sewwieqa t-tnejn akkużaw lil xulxin li kienu aġixxew ħażin wara t-tellieqa, b’Hamilton jgħid li Verstappen “kien jaf x’se jiġri, imma xorta għamel li għamel.”
Verstappen wieġeb billi qal li “ma kellu mkien fejn imur” u tefa’ t-tort kollu fuq Hamilton li ma tah l-ebda spazju biex iwettaq il-manuvra tiegħu kif suppost.
Il-mument drammatiku ġara fis-26 dawra minn 53 fiċ-ċirkwit Taljan. Hekk kif Hamilton ħalla l-pit lane, Verstappen ġibed ħdejh u ppruvaw jaqbżu lil xulxin fl-imsejħa Variante Del Rettifilo chicane.
Is-sewwieq Olandiż Verstappen spiċċa fl-arja, bid-dahar tal-magna tal-karozza tiegħu tinżel fuq il-Mercedes ta’ Hamilton, li kienet sfurzata barra mill-korsa.
Il-karozza ta’ Verstappen ħarġet ukoll fiż-żrar fil-ġenb tal-korsa, bid-dahar tar-Red Bull tiegħu jitħalla jistrieħ fuq il-karozza ta’ Hamilton.
