Raġel ta’ 44 sena mil-Libja li m’għandux indirizz fiss fejn joqgħod baqa’ miżmum taħt arrest wara li kien mixli bi tliet serqiet matul dan ix-xahar.
Ibrahim Tonsi kien mixli li fid-19 ta’ Awwissu seraq mill-Maypole ta’ Ħal Qormi, fl-24 ta’ Awwissu minn banka tal-lottu f’Ħal Tarxien u fid-29 ta’ Awwissu mill-Miracle Foods ukoll f’Ħal Tarxien.
Tonsi ġie akkużat ukoll li għex ħajja ta’ għażż u vagabondaġġ kif ukoll li kiser sentenza sospiża mogħtija fl-2018.
Huwa wieġeb mhux ħati ta’ dawn l-akkużi madankollu baqa’ miżmum taħt arrest.
Il-prosekuzzjoni f’dan il-każ qed titmexxa mill-Ispettur Sarah Zerafa waqt li l-akkużat għandu tiddefendih lill-Avukat Fransina Abela.