Jack, il-kelb li jinsab għand l-Annimal Walfare f’Għawdex bħal donnu ħadd ma jridu hekk kif ilu jfittex familja biex ikun jista’ jgħix f’ambjent ta’ mħabba għal sena sħiħa.
Il-kelb li hu Springer għandu bejn ħames u sitt snin u ġie salvat is-sena li għaddiet mill-Annimal Walfare f’Għawdex.
Jirriżulta li dan il-kelb qabel ma ġie salvat kien qed ibati ħafna u għalkemm illum ma jonqsu xejn xorta waħda għadu jistenna ruħ ħanini li tmur għalih u taddottah.
Post fuq il-midja soċjali tal-Annimal Walfare f’Għawdex qalu li l-kelb għandu karattru ferrieħi ħafna. Idealment min jaddottah ikollu aċċess għal bitħa u miegħu ma jkunx hemm klieb oħrajn.
Kummenti li tħallew fuq il-post tal-Annimal Walfare qalu li l-kelb għalkemm ma jistax jgħix ma’ klieb oħrajn hu wieħed li jħobb ħafna n-nies.
Appelli oħrajn ta’ persuni midħla sew tal-Annimal Walfare qalu li hemm barra hemm xi ħadd żgur li jista’ jaddotta lil Jack u jagħtih imħabba ta’ familja.
