Ġie kkonfermat li l-istilla Arġentina Lionel Messi se jkun qed jitlaq lil Paris St Germain fl-aħħar ta’ dan l-istaġun. Dan ġie kkonfermat mill-mezzi tax-xandir Franċiżi bil-logħba t’għada kontra Clermont li se tkun l-aħħar waħda tiegħu.
Messi għandu offerti mill-Arabja Sawdija u mistenni jingħaqad ma’ xi tim minnhom fil-bidu ta’ dan is-sajf.
Messi ngħaqad mat-tim mill-belt kapitali Franċiża fl-2021 fejn lagħab 57 darba u skorja 22 gowl.
Fil-jiem li ġejjin, Messi se jmur għal darb’oħra fl-Arabja Sawdija sabiex jinnegozja l-kuntratt il-ġdid tiegħu.
