Lionel Messi laħaq ftehim verbali ma’ Paris St Germain biex jiffirma kuntratt ġdid.
Dan minħabba li l-kuntratt attwali tal-attakkant internazzjonali Arġentin jintemm f’Ġunju li ġej u l-Pariġini huma ħerqana li jorbtuh għal sentejn oħra.
Għaldaqstant fil-jiem li ġejjin, iż-żewġ partijiet se jiddiskutu ftehim ġdid dwar is-salarju tiegħu.
Kien hemm ħafna spekulazzjonijiet dwar il-futur ta’ Messi fejn rapporti kienu jgħidu li seta’ jmur jilgħba fl-Istati Uniti mal-club ta’ David Beckham, Inter Miami.
Barcelona kienu wkoll rrappurtati li setgħu jieħduh lura fin-Nou Camp iżda ladarba telaq mill-club Katalan, il-player ta’ 35 sena ma jridx imur lura.
Minkejja dan, il-ġganti Spanjoli ma qatgħux qalbhom li jerġgħu jingħaqdu mar-rebbieħ tat-Tazza tad-Dinja u se jippruvaw jikkompetu mat-termini offruti minn PSG.
