Arrigo Sacchi u Marcello Lippi ngħaqdu mal-opinjonisti fl-Italja li Jorginho għandu jirbaħ il-Ballon d’Or għas-suċċess tiegħu mal-Italja u Chelsea.
Il-midfielder huwa wieħed mill-kandidati ewlenin għat-trofew, wara li rebaħ il-UEFA Euro 2020 u stabbilixxa rekord dinji ta’ 37 partita mingħajr telfa mal-Italja.
Huwa rebaħ wkoll iċ-Champions League u s-Super Cup Ewropea fil-livell tal-klabb ma’ Chelsea.
“Jorginho għandu jirbaħ l-Ballon d’Or din is-sena,” qal Lippi waqt l-avveniment tal-Festival dello Sport fi Trento.
“Naqbel assolutament,” żied jgħid l-eks coach nazzjonali ta’ Milan, Sacchi.
Anke l-coach preżenti tal-Italja, Roberto Mancini, kien qal daqstant waqt il-konferenza stampa tiegħu fi tmiem din il-ġimgħa, hekk kif l-Italja kisbet it-tielet post fin-Nations League.
“Naħseb li Jorginho għandu jirbaħ il-Ballon d’Or. Huwa rebaħ kull ħaġa oħra u jistħoqqlu sewwa. Fil-fatt, ikun stramb jekk xi ħadd ieħor jirbaħha f’dan il-punt. “
