Liverpool qed jitqiesu bħala kontendenti għall-firma tal-attakkant ta’ Bayern Munich, Robert Lewandowski.
Il-kuntratt ta’ dan il-player ta’ 33 sena mal-ġganti tal-Bavarja għandu jiskadi fis-sajf tal-2023, u huwa mifhum li informa lill-club dwar ix-xewqa tiegħu li jfittex sfida ġdida s-sena d-dieħla.
B’riżultat ta’ dan, Lewandowski kien qed jissemma’ li seta’ jmur jilgħab fil-Premier League, filwaqt li Real Madrid identifikaw lill-internazzjonali tal-Polonja bħala alternattiva ideali għal Erling Braut Haaland.
Manchester City ukoll issemmew li jistgħu jagħmlu offerta għal Lewandowski fost rapporti li mhux se jerġgħu jqanqlu l-insegwiment tagħhom f’Harry Kane, iżda Liverpool huma lesti li jidħlu f’taqtiegħa mal-Blues għas-servizzi tiegħu.
Jurgen Klopp talab speċifikament l-iffirmar ta’ Lewandowski, li kellu esperjenza mill-aqwa taħt il-gwida tal-coach Ġermaniż waqt l-esperjenza tagħhom ma’ Borussia Dortmund.
Lewandowski diġà skorja 10 gowls f’sitt logħbiet fil-kompetizzjonijiet kollha f’dan l-istaġun, inkluż doppjetta fir-rebħa ta’ 3-0 tat-Tlieta fuq Barcelona fiċ-Champions League.
