F’komunikat uffiċjali, Liverpool ħabbru li se jkunu qed iġeddu l-kuntratt tat-talent żagħżugħ ta’ 17-il sena Ben Doak. Il-plejer li twieled fis-sena 2005 diġa’ lagħab fl-ewwel tim u anke fil-Premier League Ingliż bil-kowċ Jurgen Klopp li kellu kliem ta’ tifħir għalih.
Doak normalment jilgħab bħala winger u ġie akkwistat minn Liverpool fl-2022 mingħand Celtic. Dan l-aħħar il-kowċ tat-tim nazzjonali Skoċċiż ta’ taħt il-21 sena Scott Gemmill beda jsejjaħlu u fil-fatt diġa’ lagħab tliet logħbiet għal pajjiżu.
