Liverpool identifikaw lill-midfielder ta’ Inter, Marcelo Brozovic bħala mira ta’ trasferiment għall-2022.
Minkejja li tilfu lil Georginio Wijnaldum bi free transfer aktar kmieni dan is-sajf, Liverpool għadhom ma ffirmawx sostitut dirett għall-internazzjonali Olandiż.
Kif inhu hekk, jidher li Jurgen Klopp se jqiegħed fidi fiż-żagħżugħ Harvey Elliott għall-istaġun kurrenti, fejn diġá beda lil dan iż-żagħżugħ ta’ 18-il sena f’żewġ partiti mill-ewwel tlieta ta’ Liverpool fil-Premier League.
Madankollu, Liverpool se jfittxu li jżidu aktar esperjenza fil-gradi tagħhom fis-sajf li ġej biż-żieda ta’ Brozovic.
Il-player ta’ 28 sena, li qatta’ l-aħħar sitt staġuni f’San Siro, għandu jkun barra mill-kuntratt fi tmiem l-istaġun.
Inter kważi ċertament se jfittxu li jaqblu ma’ termini ġodda mal-internazzjonali tal-Kroazja fix-xhur li ġejjin.
