Chelsea huma fost il-clubs li qed isegwu mill-qrib is-sitwazzjoni ta’ Lorenzo Insigne ma’ Napoli.
L-internazzjonali Taljan għad irid jestendi s-soġġorn tiegħu mal-Partenopei lil hinn mit-tmiem tal-istaġun, u ftit li xejn sar progress rigward estensjoni.
L-aġent ta’ Insigne dan l-aħħar żvela li l-klijent tiegħu kien ġie offrut ftehim ġdid bi tnaqqis fil-paga ta’ 50%, li jingħad li “ssorprendiet” lir-rebbieħ tal-Euro 2020.
Chelsea huma lesti li jżidu l-offerta għal Insigne jekk it-taħditiet ma’ Napoli jonqsu milli jagħtu l-frott, u l-player ta’ 30 sena jista’ jitħajjar minn offerta ‘attraenti’ mill-Blues.
Insigne ssemma’ wkoll li jista’ jmur jilgħab fl-MLS fl-Istati Uniti, iżda l-aġent tal-attakkant iddeskriva dawn ix-xnigħat bħala “kompletament foloz”.
Insigne skorja ħames goals u pprovda erba’ assists f’14-il logħba fil-kompetizzjonijiet kollha f’dan l-istaġun u rebaħ żewġ edizzjonijiet tal-Coppa Italia matul iż-żmien tiegħu ma’ Napoli.
