Saturday, July 20, 2024

Luca Vella u Rossana Oddi jżommu l-ewwel post wara t-tieni tellieqa tal- Garmin BSJ Open Water National Swimming Championships

Aqra wkoll

Luca Vella u Rossana Oddi, li t-tnejn jirrapreżentaw il-klabb Aquahub,  żammew l-ewwel post fit-tieni tellieqa tal- Garmin BSJ Open Water National Swimming Championships ospitati mill-Birkirkara St. Joseph Sports Club. Dawn il-kampjonati qedin isiru taħt l-awspiċji tal-Assoċjazzjoni Sport Akwatiku ta’ Malta.

Il-kundizzjonijiet tal-baħar tal-Erbgħa kienu ferm aktar ta’ sfida minn dawk tal-ewwel tiġrija bl-għawwiema kellhom iħabbtu wiċċhom ma’ xi kurrenti qawwija u mbatt għoli fil-Bajja tas-Salina.

Luca Vella żamm vantaġġ komdu tul it-tellieqa, b’distakk fuq Giuseppe Borg li spiċċa fit-tieni post. Thomas Gatt, kiseb it-tielet post – tliet sekondi qabel Liam Farrugia li fil-ġimgħa li għaddiet kien spiċċa fit-tielet post. 

Ir-rebbieħa tal-podju femminili tal-ġimgħa li għaddiet baqgħu l-istess għat-tieni tiġrija. Rossanna Oddi reġgħet ħadet l-unuri, segwita minn Kaitlyn Muscat fit-tieni post u Michela Camilleri fit-tielet post.

L-Ewwel tlett għawwiema rġiel u nisa ġew ippreżentati midalji mis-Sur Mark Gaglione, li jirrappreżenta lil Medcomms Ltd, aġenti ta’ Garmin f’Malta, sponsors ta’ dawn il-kampjonati.

It-tellieqa li jmiss se ssir l-Erbgħa 3 ta’ Lulju fis-630 ta’filgħaxija fis-Salina. 

Ekonomija

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport