Fiorentina għadhom kemm akkwistaw lill-attakkant Arġentin Lucas Beltran. Dan tal-aħħar kien jilgħab ma’ River Plate fejn skorja 22 gowl fi 78 dehera bejn Coppa Libertadores, il-kampjonat Arġentin u t-tazza Arġentina. Hu għandu 22 sena u hu meqjus bħala skorer prolifiku li għad irid jiżviluppa aħjar il-kapaċitajiet tiegħu.
I Viola taw merħba lil dan il-plejer li skont ħafna se jservi sew sabiex isaħħaħ l-attakk tagħhom u jkunu aktar kompetittivi fil-UEFA Europa Conference League, il-kampjonat u l-Coppa Italia.
