Arsenal ikkonfermaw li Lucas Torreira ħalla lill-club biex jiffirma mat-team Tork tas-Super Lig Galatasaray bi ftehim permanenti.
Il-player ta’ 26 sena għamel isem fl-Italja ma’ Sampdoria u deher ukoll b’mod prominenti għall-Urugwaj fit-Tazza tad-Dinja tal-2018, li wassal lil Arsenal biex ħallsu £25.8m għall-firma tiegħu.
Torreira mill-ewwel sar favorit tal-partitarji fl-Emirates Stadium taħt il-gwida ta’ Unai Emery, fejn skorja l-ewwel goal tiegħu għall-club fir-rebħa ta’ 4-2 fid-derby tat-Tramuntana ta’ Londra fuq Tottenham Hotspur.
