Wara li ggwida lil Napoli lejn l-ewwel titlu tas-Serie A fi 33 sena, il-coach Luciano Spalletti qal li se jħalli l-club fi tmiem l-istaġun u jieħu l-ħin barra l-logħba.
“Għandi bżonn nieħu ftit tal-ħin biex nistrieħ għax jien pjuttost għajjien. Ma nafx jekk tistax issejħilha sena sabbatika, iżda mhux se nkun naħdem. Mhux se nkun qed nikkowċja lil Napoli jew xi team ieħor.”
Spalletti, ta’ 64 sena, li ħa f’idejh lil Napoli f’Lulju 2021, fadallu sena fil-kuntratt mal-Partenopei.
Il-president ta’ Napoli, Aurelio De Laurentiis, qal li se “jirrispetta” din id-deċiżjoni. Huwa bniedem ħieles, tana xi ħaġa u nirringrazzjawh, sewwa li jagħmel li jrid.”
