It-tim mit-tielet diviżjoni Kalkara Flames wettaq waħda mill-akbar sorpriżi għal dan l-istaġun wara li elimina lil-leaders tal-Ewwel Diviżjoni Swieqi Braves hekk kif intlagħab ir-round preliminari tan-Next Auto Car Sales Ltd KO.
It-tim mill-Kalkara kienu ferm dixxiplinati tul il-logħba kollha fejn iddefendew tajjeb filwaqt li bdew itellgħu xi kontrattakki. Minkejja d-differenza fil-kategorija huma żammew tajjeb lit-tim ferm iktar ikkwotat minnhom u ħarġu bil-kwalifikazzjoni minn din il-partita.
Kalkara Flames marru minn fuq fl-24 minuta permezz ta’ Neil Sammut li ħa vantaġġ minn rebound sabiex xeħet il-ballun ġewwa.
Swieqi ġabu l-iskor indaqs ftit sekondi qabel tmiem l-ewwel taqsima wara freekick ta’ Luigi Pereira Koga.
Fit-tieni taqsima, Kalkara baqgħu konsistenti u rnexxielhom jiskorjaw dak li kellu jkun il-gowl tar-rebħa meta wara clearance tal-goalkeeper tagħhom Yandrick Cassar, il-ballun wasal għand Luke Cachia li b’daqqa ta’ ras illobbja minn fuq Erick Vital.
Fi tmiem il-konfront kien ġustifikat il-ferħ tal-plejers u diriġenti ta’ Kalkara Flames wara din ir-rebħa sorprendenti.
Referee kien Alex Grech.
Tim ieħor tal-Ewwel Diviżjoni safa’ eliminat ukoll hekk kif Attard Edex Kings għelbu lil Balluta Barracudas 5-2 wara l-għoti tal-penalties.
Attard bdew il-logħba bl-aqwa mod possibbli hekk kif marru fil-vantaġġ minn Audu Clement Oshake sabiex fit-tieni taqsima waslet ir-reazzjoni tal-Cudas li ġabu l-iskor indaqs minn Anthony Bartolo.
Bil-logħba li ntemmet fi draw ta’ 1-1, il-konfront mar għall-għoti tal-penalties fejn Attard skorjaw erba’ gowls kontra l-uniku gowl ta’ Balluta.
Attard Edex Kings issa jaffrontaw lil San Ġwann Pro Evolution Academy fit-tieni round il-ġimgħa d-dieħla.
Referee kien Lorry Sammut.
Ta’ Ġiorni Wanderers irreġistraw l-ikbar rebħa tal-ġurnata meta għelbu lil Ħamrun Amateurs 4-0.
Il-Wanderers skorjaw gowl f’kull taqsima sabiex aċċertaw ruħhom mill-kwalifikazzjoni tagħhom u l-passaġġ għall-kwarti tal-finali.
Samuel Barthet, Luke Gatt, Edward Micallef Stafrace u Liam Caruana Montalto skorjaw il-gowls l-aktar importanti għal Ta’ Ġiorni.
Referee kien Peter Abela.
Buġibba Club de SWAT għelbu lil Gudja Wanderers 2-1 f’logħba inċerta sal-aħħar.
Wara li ebda tim ma żblokka s-sitwazzjoni fl-ewwel taqsima, fit-tieni 35 minuta Kirandas Kholatiparambil poġġa lil Buġibba Club de SWAT minn fuq sabiex Shibin Malikeyyal irdoppja l-iskor.
Dylan Zammit żamm it-tamiet ta’ Gudja ħajjin sal-aħħar meta naqqas il-marġni tal-iskor għalkemm kien tard wisq biex isalvaw is-sitwazzjoni.
Referee kien Matthias Buttigieg.
Senglea Gunners kellhom imorru għall-għoti tal-penalties sabiex eliminaw lil Mqabba Albions 4-2.
Wara li fil-ħin regolamentari ż-żewġ difiżi kienu protagonisti u l-iskor baqa’ ma nfetaħx, fl-għoti tal-penalties, it-tim mill-Isla kien aktar preċiż fejn skorja żewġ gowls aktar mill-Imqabbin.
Referee kien Reno Galea.
Kalkara Flames jeliminaw lil Swieqi Braves mill-kompetizzjoni KO
It-tim mit-tielet diviżjoni Kalkara Flames wettaq waħda mill-akbar sorpriżi għal dan l-istaġun wara li elimina lil-leaders tal-Ewwel Diviżjoni Swieqi Braves hekk kif intlagħab ir-round preliminari tan-Next Auto Car Sales Ltd KO.
It-tim mill-Kalkara kienu ferm dixxiplinati tul il-logħba kollha fejn iddefendew tajjeb filwaqt li bdew itellgħu xi kontrattakki. Minkejja d-differenza fil-kategorija huma żammew tajjeb lit-tim ferm iktar ikkwotat minnhom u ħarġu bil-kwalifikazzjoni minn din il-partita.
Kalkara Flames marru minn fuq fl-24 minuta permezz ta’ Neil Sammut li ħa vantaġġ minn rebound sabiex xeħet il-ballun ġewwa.
Swieqi ġabu l-iskor indaqs ftit sekondi qabel tmiem l-ewwel taqsima wara freekick ta’ Luigi Pereira Koga.
Fit-tieni taqsima, Kalkara baqgħu konsistenti u rnexxielhom jiskorjaw dak li kellu jkun il-gowl tar-rebħa meta wara clearance tal-goalkeeper tagħhom Yandrick Cassar, il-ballun wasal għand Luke Cachia li b’daqqa ta’ ras illobbja minn fuq Erick Vital.
Fi tmiem il-konfront kien ġustifikat il-ferħ tal-plejers u diriġenti ta’ Kalkara Flames wara din ir-rebħa sorprendenti.
Referee kien Alex Grech.
Tim ieħor tal-Ewwel Diviżjoni safa’ eliminat ukoll hekk kif Attard Edex Kings għelbu lil Balluta Barracudas 5-2 wara l-għoti tal-penalties.
Attard bdew il-logħba bl-aqwa mod possibbli hekk kif marru fil-vantaġġ minn Audu Clement Oshake sabiex fit-tieni taqsima waslet ir-reazzjoni tal-Cudas li ġabu l-iskor indaqs minn Anthony Bartolo.
Bil-logħba li ntemmet fi draw ta’ 1-1, il-konfront mar għall-għoti tal-penalties fejn Attard skorjaw erba’ gowls kontra l-uniku gowl ta’ Balluta.
Attard Edex Kings issa jaffrontaw lil San Ġwann Pro Evolution Academy fit-tieni round il-ġimgħa d-dieħla.
Referee kien Lorry Sammut.
Ta’ Ġiorni Wanderers irreġistraw l-ikbar rebħa tal-ġurnata meta għelbu lil Ħamrun Amateurs 4-0.
Il-Wanderers skorjaw gowl f’kull taqsima sabiex aċċertaw ruħhom mill-kwalifikazzjoni tagħhom u l-passaġġ għall-kwarti tal-finali.
Samuel Barthet, Luke Gatt, Edward Micallef Stafrace u Liam Caruana Montalto skorjaw il-gowls l-aktar importanti għal Ta’ Ġiorni.
Referee kien Peter Abela.
Buġibba Club de SWAT għelbu lil Gudja Wanderers 2-1 f’logħba inċerta sal-aħħar.
Wara li ebda tim ma żblokka s-sitwazzjoni fl-ewwel taqsima, fit-tieni 35 minuta Kirandas Kholatiparambil poġġa lil Buġibba Club de SWAT minn fuq sabiex Shibin Malikeyyal irdoppja l-iskor.
Dylan Zammit żamm it-tamiet ta’ Gudja ħajjin sal-aħħar meta naqqas il-marġni tal-iskor għalkemm kien tard wisq biex isalvaw is-sitwazzjoni.
Referee kien Matthias Buttigieg.
Senglea Gunners kellhom imorru għall-għoti tal-penalties sabiex eliminaw lil Mqabba Albions 4-2.
Wara li fil-ħin regolamentari ż-żewġ difiżi kienu protagonisti u l-iskor baqa’ ma nfetaħx, fl-għoti tal-penalties, it-tim mill-Isla kien aktar preċiż fejn skorja żewġ gowls aktar mill-Imqabbin.
Referee kien Reno Galea.
