Fil-waqfa internazzjonali li għaddiet saru magħrufa l-24 team li fil-bidu tas-sena d-dieħla se jieħdu sehem fil-finali tat-Tazza tan-Nazzjonijiet Afrikana (AFCON) li din id-darba se jsiru fl-Ivory Coast mit-13 ta’ Jannar sal-11 ta’ Frar.
Il-Kamerun spiċċaw fil-quċċata ta’ Grupp C biex ikkwalifika flimkien man-Namibja, biex għaqqdu l-kwadru ta’ 24 team ta’ dan it-tournament.
Rebħa għal Burundi kienet tara lis-Swallows jikkwalifikaw għas-spejjeż tal-Kamerun, f’dik li kienet tkun sorpriża kbira.
Madankollu, it-telfa ħalliet lit-team barrani b’erba’ punti fi Grupp Ċ, wieħed ‘il bogħod min-Namibja li akkwistaw it-tieni post wara l-Kamerun biex ibbukkjaw ir-raba’ dehra tagħhom fl-AFCON.
It-timijiet finalisti huma:
Alġerija, Angola, Burkina Faso, Kamerun, Cape Verde, DR Kongo, Eġittu, Equatorial Guinea, Gambja, Ghana, Guinea, Guinea Bissau, Ivory Coast, Mali, Mawritanja, Mozambique, Marokk, Namibja, Niġerja, Senegal, Afrika t’Isfel, Tanżanija, Tuneżija u Żambja.
