Id-difensur ċentrali Ingliż Harry Maguire hu lest sabiex iġedded il-kuntratt tiegħu ma’ Manchester United. Minkejja li mhux dejjem jilgħab b’mod regolari, il-plejer ta’ 31 sena hu meqjus bħala fundamentali fid-dressing room tar-Red Devils.
Maguire ilu ma’ Manchester United sa mis-sena 2019 fejn skorja sitt gowls f’149 logħba.
F’kumment li ta hu stess lill-istazzjon tal-klabb, Maguire qal li fadallu sena kuntratt f’Old Trafford iżda mhux se jaħsibha darbtejn biex iġedded.
