Mill-investigazzjonijiet li saru s’issa jidher li hemm mal-160 persuna li jistgħu jkunu fost dawk li ħadu benefiċċji tas-sigurtà soċjali meta ma kienx jistħoqqilhom.
Kien il-Prim Ministru Robert Abela li qal dan meta kien qed iwieġeb mistoqsijiet li sarulu aktar kmieni mill-ġurnalisti.
Il-Prim Ministru tenna li dwar dan l-allegat każ ta’ abbuż, il-Gvern malli sar jaf b’dawn l-irregolaritajiet, minnufih għadda l-każ lill-Pulizija biex jinvestigaw. Qal ukoll li twaqqfet inkjesta amministrattiva biex tara jekk hemmx lok ta’ aktar titjib fis-sistemi biex każi bħal dawn ma jerġgħux jirrepetu ruħhom.
“Meta ġiet irrinfaċċjata irregolarità, il-Korp tal-Pulizija ħa azzjoni. Kien għalhekk li l-investigazzjoni, li għadha għaddejja, wasslet biex numru ta’ persuni jitressqu l-Qorti. Fl-istess waqt, fejn kien hemm każi ta’ persuni li rċevew benefiċċju li ma kienx dovut lilhom, id-Dipartiment tas-Sigurtà Soċjali ra li jibda l-proċess biex jirkurpra l-ammont dovut,” sostna l-Prim Ministru.
Huwa nsista li ma jidhirx li hemm l-ammonti ta’ persuni li ġew imsemmija “minn min għandu interess li dan il-każ minflok jara li verament issir ġustizzja, jipprova jippolitiċizzah.”
Filwaqt li spjega li sal-lum jidher li hemm madwar 160 persuna li jista’ jkun irċevew benefiċċju li mhux dovut lilhom, Dr Abela nsista li ma jidhirx li hemm l-ammonti ta’ persuni li ġew imsemmija “minn min għandu interess li dan il-każ minflok jara li verament issir ġustizzja, jipprova jippolitiċizzah.”
