Minn fost l-istati membri tal-UE Malta għandha t-tieni l-ogħla rata ta’ impjegati jaħdmu fit-trasport tal-ajru.
Ċifri tal-Eurostat għall-2019 juru li 0.5% tal-ħaddiema kollha fil-pajjiż li għandhom bejn 20 u 64 sena kienu jaħdmu f’dan il-qasam meta l-medja fl-UE kienet ta’ 0.2%.
Kienet biss il-Lussemburgu b’rata ogħla, 1%, menri l-Iżvezja, is-Slovakkja, is-Slovenja, ir-Rumanija, il-Polonja, l-Italja, il-Greċja u l-Bulgarija kellhom l-inqas rati b’medja ta’ 0.1%.
L-Eurostat sab ukoll li waqt li l-medja tal-impjegati rġiel fit-trasport bl-ajru fl-UE kienet ta’ 56%, f’Malta kienet ta’ 73%, it-tielet l-ogħla fl-istati membri.
