Filmat u Ritratti : Alan Saliba
Il-poplu laqa’ l-istedina biex fuq il-bjut u l-galleriji joħroġ il-bandiera Maltija bħala sinjal ta’ kuraġġ minkejja l-isfida preżenti b’rabta mal-Covid-19. Il-Gvern kien appella biex dan isir biex iwassal messaġġ ta’ tama lil xulxin f’din il-ġlieda li qed naffrontaw kontra għadu li ma jidhirx.
Minkejja l-mument diffiċli u minkejja ċ-ċokon ta’ pajjiżna, il-poplu ngħaqad u bosta kienu dawk li rringrazzjaw lil kull min huwa protagonist f’din il-ġlieda.
Sadanittant l-appell huwa biex nibqgħu nsegwu d-direttivi maħruġa mill-awtoritajiet ta’ saħħa u nibqgħu d-dar biex innaqssu kemm jista’ jkun it-tixrid ta’ dan il-virus.
