Gzira Utd ……..0
Balzan ………….0
Minn Cristian Muscat
Meta ngħata bidu għall-aħħar fażi tal-Malta Premier League, mill-Bottom Six tal-Closing Round, Gżira United u Balzan temmew fi draw ta’ mingħajr goals li ironikament dan kien it-tieni riżultat ta’ draw konsekuttiv bl-istess skor bejn iż-żewġ timijiet wara dak miksub nhar il-Ġimgħa li għadda fil-Gozo Stadium.
Balzan kellhom lil Samir Arab sospiż. Ta’ nota huwa l-fatt li f’din il-partita il-coach ta’ Balzan, Andrew Cohen, kien qed jaffronta proprju lill-eks team tiegħu.
Kienu Gzira li ħolqu l-ewwel periklu fid-disa’ minuta, meta Thaylor Aldama indirizza cross fil-kaxxa, li sab lil Thiago Espindola żmarkat, li minn taħt il-lasti sab lill-goalkeeper ta’ Balzan, Danilo Golovic, attent.
Balzan wieġbu fis-36 minuta, permezz ta’ xutt minn barra l-kaxxa ta’ Jan Busuttil li ntemm għoli.
Gzira reġgħu heddew fil-50 minuta, meta Nicholas Pulis kellu pass erratiku f’nofs il-ground b’Thaylor Aldama jinterċetta tajjeb u b’pass mill-ewwel sab lil Faysal Chouaib fil-kaxxa, li minn quddiem Golovic spara xutt fil-baxx bil-ballun jintemm ftit barra.
Huma komplew jiddettaw il-logħob u fis-57 minuta, xutt mid-distanza ta’ Gabriel Bohrer Mentz intemm ftit għoli. Għaxar minuti wara, xutt ta’ Jan Busuttil ġie salvat tajjeb mill-goalkeeper tal-Maroons, Giulio Mangano.
Fit-72 minuta, free-kick ta’ Victor Blasco għal Balzan għadda ftit barra.
Fil-ħin miżjud, wasal l- aħjar ċans għal Gżira b’ Thaylor Aldama minn quddiem Golovic inkredibbilment ifalli l-mira, b’Balzan jeħilsuha ħafif.
L-iskor baqa’ ma nbidilx sa tmiem il-partita, biż-żewġ timijiet jieħdu punt kull wieħed.
GZIRA U.: 30-Giulio Mangano, 3-Gabriel Bohrer Mentz, 5-Enrico Pepe, 6-Andrew Borg (4-Joseph Minala 46), 7-Thaylor Aldama, 9-Faysal Hassany Chouaib, 11-Lucas Macula (92-Kevin Tulimieri 80), 17-Montell Shaquill, 18-Diogo Barbosa (47-Brookyln Borg 72), 22-Kurt Zammit, 93-Thiago Espindola (14-Luis Carlos Riascos 46) – Coach: Giovanni Tedesco
BALZAN: 99-Danilo Golovic, 2-Nemanja Kerkez, 6-Marcus Grima, 8-Nicholas Pulis, 10-Jan Busuttil, 11-Benjamin Hili (42-Rafael Da Silva Floro 65), 14-Dimeji Awosanya, 17-Henri Braham Stanic, 24-Enzo Marcus Ndombasi (23-Victor Blasco 65), 27-Alexander Ayo Akpan (9-Isaac Westendorf 82), 77-Elvis Kamsoba – Coach: Andrew Cohen
REFEREE: Alex Johnson
ASS. REFEREES: Jurgen Spiteri, Robert Curtis
RABA’ UFF: Matthew De Gabriele
SKORERS: Ħadd
AMMONITI: A. Borg, G. Bohrer Mentz, E. Pepe, K. Zammit (G), N. Kerkez,M. Grima, R. Da Silva Floro (B)
PLAYER TAL-LOGĦBA – Thaylor Aldama (GU)
