Il-Guardia di Finanza qabdet Malti jipprova jdaħħal fl-Italja aktar minn €115,000 fi flus kontanti.
L-awtoritajiet Taljani qalu li l-Malti għandu 47 sena u nqabad jipprova jagħmel dan mill-port ta’ Katanja, fi Sqallija.
Ingħad kif il-Malti ġie arrestat waqt spezzjonijiet ta’ rutina li kienet qed titwettaq tal-karozzi li bdew neżlin minn fuq il-vapur.
Il-Malti beda jaġixxi b’mod suspettuż u dan wassal lill-uffiċjali tal-port biex jagħmlulu tfittxija fil-karozza tiegħu.
Kien hawnhekk li l-Pulizija Taljan sabet baskett mimli bil-flus kontanti moħbija fil-karozza.
