Manchester United insew il-kriżi li bħalissa għaddejjin minnha hekk kif laqgħu lir-rivali eterni Liverpool u għelbuhom bl-iskor ta’ 2-1 biex dawn tal-aħħar għadhom qed jistennew l-ewwel rebħa.
Min-naħa tar-Red Devils, din kienet l-ewwel rebħa biex issa għandhom tliet punti … wieħed fuq Liverpool.
Kien Jadon Sancho (15) li fetaħ l-isko għar-Red Devils biex din kienet is-seba’ darba konsekuttiva għal Liverpool li sofrew l-ewwel goal f’partita tal-kampjonat.
Imbagħad Marcus Rashford (53) għat-team immexxi minn Erik ten Hag filwaqt li Mohamed Salah naqqas il-marġni tal-iskor disa’ minuti mit-tmiem.