Wara l-eliminazzjoni miċ-Champions League, Manchester City ospitaw lil Newcastle United u rebħulhom bl-iskor ta’ 5-0 biex għamlu pass kbir lejn ir-rebħ tat-titlu.
Il-goals tagħhom waslu minn Raheem Sterling (19, 95), Aymeric Laporte (38), Rodri Hernandez (61) u Phil Foden (92).
Issa s-Citizens jmisshom jilagħbu żewġ partiti barra minn darhom kontra Wolves u West Ham bil-possibbiltá li jiċċelebraw kontra Aston Villa f’darhom.
Arsenal v Leeds – Arsenal irreġistaw rebħa mill-aktar importanti meta għelbu lil Leeds bl-iskor ta’ 2-1 biex b’hekk daħlu fit-taqtiegħa għat-tielet post meta jinsabu punt biss taħt Chelsea.
Il-protagonista tal-Gunners kien Edward Nketiah (5, 10) li skorja ż-żewġ goals filwaqt li Diego Llorente (66) wieġeb għall-Peacocks li kellhom lil Luke Ayling (26) imkeċċi.
B’din it-telfa Leeds jinsabu fil-periklu tar-relegazzjoni.
Leicester v Everton – Mhux l-istess jista’ jingħad għal Everton li marru għand Leicester u għelbuhom bl-iskor ta’ 2-1 biex għamlu pass kbir għas-salvazzjoni.
L-iskorers tat-Toffees kienu Vitaliy Mykolenko (6), u Mason Holgate (30) filwaqt li Patson Daka (11) irrisponda għall-Foxes (11).
Norwich v West Ham – Barra minn darhom West Ham għelbu lil Norwich bl-iskor ta’ 4-0. Il-goals ġew skorjati minn Said Benrahma (12, 45), Michail Antonio (30) u Manuel Lanzini (65 pen).
