Manchester United jinsabu ‘f’pożizzjoni tajba’ biex jiffirmaw lid-difensur ċentrali ta’ Sevilla, Jules Kounde fis-sajf li ġej.
Il-Franċiż kien marbut b’mod qawwi ma’ ċaqliq lejn Chelsea matul it-tieqa riċenti tat-trasferimenti, iżda l-Blues ma setgħux jaslu għal ftehim mal-club tiegħu ta’ La Liga fuq ħlas.
Għal darb’oħra hemm spekulazzjoni dwar il-futur ta’ Kounde qabel it-tieqa tat-trasferimenti ta’ Jannar, għalkemm Sevilla mistennija jerġgħu jirreżistu li jċedu l-player fil-bidu tal-2022.
L-ispanjoli qed jippreparaw għat-tluq ta’ Kounde fis-sajf li ġej, madankollu, billi identifikaw lil Clement Lenglet ta’ Barcelona bħala s-sostitut tiegħu.
Minkejja interess minn bnadi oħra, Man United jinsabu ‘f’pożizzjoni tajba’ biex jagħmlu offerta għall-player ta’ 23 sena, li għamel 17-il dehra fil-kompetizzjonijiet kollha għat-team ta’ Julen Lopetegui f’dan l-istaġun.
Ir-Red Devils akkwistaw lil Raphael Varane is-sajf li għadda, u l-wasla potenzjali ta’ Kounde donnha tpoġġi lil Harry Maguire taħt pressjoni qawwija għal post fl-ewwel 11.
Id-difensur ta’ Sevilla hu maħsub li għandu klawsola ta’ release ta’ £69m fil-ftehim attwali tiegħu f’Estadio Ramon.
