Manchester United għadhom mitluba jħallsu l-pagi ta’ Mason Greenwood fil-club minkejja s-sospensjoni tiegħu mill-attivitajiet tal-ewwel team.
L-attakkant ta’ 20 sena ġie arrestat u lliberat fuq pleġġ fl-aħħar ta’ Jannar fuq suspett ta’ stupru u attakk sesswali fuq mara ta’ 18-il sena.
Manchester United immedjatament issospendew lil Greenwood wara li ħarġu filmati u ritratti inkwetanti fuq il-media soċjali, li jfisser li ma jkunx jista’ jipparteċipa fit-taħriġ jew logħbiet matul l-investigazzjoni.
Issam madankollu, ir-Red Devils huma marbuta b’kuntratt li jkomplu jħallsu l-paga tiegħu ta’ £75,000 fil-ġimgħa minkejja s-sospensjoni li għaddejja.
Is-salarju ta’ Greenwood jista’ jinżamm biss għal 14-il jum, jiġifieri li fil-fatt ikun disponibbli biex jirritorna jitħarreġ f’Carrington wara dak il-perjodu, għalkemm huwa improbabbli ħafna li l-club jippermetti dan minħabba l-implikazzjonijiet potenzjali għar-reputazzjoni tiegħu.
Għalkemm huwa lest li jkompli jirċievi s-salarju tiegħu, Greenwood tneħħa mill-ftehim ta’ sponsorizzazzjoni tiegħu man-Nike wara l-allegazzjonijiet, u ma rċieva l-ebda kumpens minħabba klawsola mdaħħla fil-ftehim mid-ditta tal-ħwejjeġ sportivi.
