Manchester United se jkollhom jattivaw klawsola ta’ release ta’ £34m jekk jixtiequ jakkwistaw lil Konrad Laimer mingħand RB Leipzig.
Il-midfielder ta’ 24 sena kien player importanti għall-club tal-Bundesliga dan l-istaġun, fejn skorja ħames goals u rreġistra sitt assists f’41 dehra fil-kompetizzjonijiet kollha.
Madankollu, Laimer fadallu ftit aktar minn sena fil-kuntratt tiegħu fir-Red Bull Arena, li hu mifhum li wissa għadd ta’ clbbs ewlenin Ewropej, fosthom Manchester United.
Huwa mifhum li Leipzig se jaċċettaw biss it-tluq ta’ Laimer dan is-sajf jekk tiġi attivata l-klawsola ta’ release tiegħu ta’ £34m.
United jistgħu jiffaċċjaw kompetizzjoni biex jiffirmaw lill-internazzjonali Awstrijakk hekk kif Liverpool, Tottenham Hotspur u Bayern Munich ġew ikkreditati wkoll b’interess fih.
Leipzig huma ħerqana wkoll li jwarrbu l-interess fl-attakkant ewlieni tagħhom Christopher Nkunku – player ieħor li kien marbut ma’ Manchester United – bil-Kap Eżekuttiv tal-club Oliver Mintzlaff dan l-aħħar jgħid li l-Franċiż mhux se jkun qed jinbiegħ dan is-sajf.
