Manchester United żiedu l-interess tagħhom li jiffirmaw lill-attakkant ta’ RB Leipzig, Christopher Nkunku.
L-ex player ta’ Paris Saint-Germain gawda minn staġun prolifiku mat-team tal-Bundesliga fl-istaġun 2021-22, u rreġistra 25 goal u 13-il assist f’36 dehra fil-kompetizzjonijiet kollha.
Huwa maħsub li l-wirjiet ta’ Nkunku ġibdu l-attenzjoni kemm ta’ Manchester United kif ukoll ta’ Arsenal, għalkemm Leipzig mistennija jitolbu ħlas ta’ £62.5m biex iċedu lill-player ta’ 24 sena.
Madankollu, huwa mifhum li Manchester United mhumiex qalbhom maqtugħa mill-prezz mitlub minn Leipzig u qed ikomplu juru ‘interess kbir’ biex jiffirmaw lill-player Franċiż dan is-sajf.
Il-kuntratt eżistenti ta’ Nkunku ma’ Leipzig ma jinkludix klawsola ta’ release, iżda r-Red Devils se jkollhom iħallsu mill-inqas €60m biex jakkwistaw lill-ex player internazzjonali ta’ Franza ta’ taħt il-21 sena.
Qed jingħad ukoll li l-ex clubs ta’ Nkunku, PSG u Manchester City, qed isegwu s-sitwazzjoni mill-qrib, bil-ftehim tal-attakkant ma’ Leipzig mistenni jibqa’ għaddej sas-sajf tal-2024.
