Manchester United ingħaqdu fit-taqtiegħa biex jiffirmaw lid-difensur xellugi tal-Ġermanja u ta’ Hoffenheim, David Raum, fis-suq tat-trasferimenti tas-sajf.
Il-player ta’ 24 sena huwa prodott ta’ Greuther Furth qabel ingħaqad ma’ Hoffenheim bi free transfer fis-sajf li għadda, u l-istaġun tad-debutt tiegħu fir-Rhein-Neckar-Arena kien wieħed ta’ suċċess.
Raum immedjatament stabbilixxa ruħu bħala player regolari għat-team tiegħu u temm l-istaġun b’35 dehra, fejn skorja tliet gowls u pprovda 13-il assist fil-Bundesliga.
