Manchester United huma lesti li jħallsu £84m sabiex jassiguraw il-firma tal-attakkant ta’ Napoli, Victor Osimhen.
B’Erik ten Hag aċċetta li jħalli lil Ajax biex jieħu t-tmun tar-Red Devils, issa se jsir ristrutturar fil-club fejn se jkunu qed jissaħħu bosta pożizzjonijiet fil-grupp tal-ewwel team.
Filwaqt li nofs il-ground huwa maħsub li huwa l-prijorità, United se jiffirmaw ukoll mill-inqas attakkant ċentrali ġdid wieħed, potenzjalment tnejn jekk Cristiano Ronaldo jitlaq iħalli l-club.
Huwa mifhum li r-Red Devils huma lesti li jħallsu £84m biex jiksbu ftehim għal Osimhen fis-sajf.
Il-player ta’ 23 sena skorja 16-il goal fi 28 dehra fis-Serie A u l-Europa League dan l-istaġun, u dan żammu fil-ħsibijiet ta’ diversi clubs Ewropej ewlenin.
Arsenal kienu wkoll marbuta ħafna mal-player internazzjonali tan-Niġerja, iżda ntqal li Osimhen se jkun lest biss li jingħaqad ma’ club li jikkompeti fiċ-Champions League tal-istaġun li ġej, xi ħaġa li l-United mhux se jiksbu realistikament qabel tmiem l-istaġun 2021-22.
