Manchester United ma aċċettawx it-talba ta’ Barcelona biex isir bdil bejn Harry Maguire u Frenkie De Jong.
Dan minħabba li Maguire jinsab fil-pjani tal-coach il-ġdid, Erik ten Hag. Sadanittant, iż-żewġ clubs qed jinnegozjaw trasferiment għal De Jong fejn għandu jiġi finalizzat aktar tard din il-ġimgħa. Dan minħabba li ż-żewġ partijiet mhumiex jaqblu għal €5 miljuni.
Il-Katlani qed jitolbu €85 miljun iżda r-Red Devils waslu sa €80 miljun. Jingħad li mistenni jintlaħaq ftehim biex il-midfielder Olandiż ta’ 25 sena jmur jilgħab f’Old Trafford.
