Manchester United sfaw megħluba minn oppożizzjoni Spanjola għat-tieni darba fi ftit jiem wara li sofrew telfa minima ta’ 1-0 kontra Real Betis fl-Estadio Benito Villamarin.
Ir-Red Devils kienu qed ifittxu li jirritornaw għar-rebħ wara li nhar l-Erbgħa tilfu 4-2 kontra Cadiz, iżda kellhom ibaxxu rashom għall-qawwa ta’ Betis.
Huma kienu mingħajr numru ta’ players regolari minħabba li qed jilagħbu fit-Tazza tad-Dinja fil-Qatar, iżda xorta waħda dawn iż-żewġ telfiet jistgħu jitqiesu bħala diżappuntanti.
