Barra minn darhom Manchester United għelbu lil Bournemouth bl-iskor ta’ 1-0 biex prattikament jonqoshom punt wieħed biss minn żewġ partiti biex jikkwalifikaw għall-UEFA Champions League.
L-uniku goal tal-partita wasal minn Casemiro (9).
Tottenham v Brentford – Brentford marru għand Tottenham u dawru telfa f’rebħa biex għelbuhom bl-iskor ta’ 3-1.
B’din it-telfa issa Spurs jistgħu wkoll ifallu l-kwalifikazzjoni għall-UEFA Conference League.
Kien Harry Kane (8) li fetaħ l-iskor għat-team ospitu bi ġmiel ta’ free-kick iżda Brentford skorjaw tliet darbiet mingħajr risposta minn doppjetta ta’ Bryan Mbeumo (60, 62) u Yoane Wissa (88).
Fulham v C. Palace – Fulham laqgħu lil Crystal Palace u spiċċaw fi draw ta’ 2-2.
Il-Palace skorjaw l-ewwel u l-aħħar permezz ta’ Odsonne Edouard (34) u Joel Ward (83) filwaqt li l-goals tal-Cottagers waslu minn doppjetta ta’ Aleksandar Mitrovic (45 pen, 61) li skorja għat-tieni darba konsekuttiva mindu rritorna lura minn sospensjoni ta’ tmien logħbiet.
Liverpool v Aston Villa – Liverpool temmew kull tama li jistgħu jikkwalifikaw għall-UEFA Champions League meta setgħu biss jispiċċaw fi draw ta’ 1-1 minn Aston Villa li fallew penalty minn Ollie Watkins (22) iżda fetħu l-iskor minn Jacob Ramsey (37).
Kien Roberto Firmino (89) li kiseb id-draw għal Liverpool hekk kif sellem lir-Reds għall-aħħar darba qabel iħalli l-club.
Wolves v Everton – Everton kisbu punt mill-aktar importanti fit-tentattiv li jkomplu jiġġieldu għas-salvazzjoni.
| Kien Yerry Mina (94) li salva r-riżultat għat-Toffees wara li Hee-Chan Hwang (34) fetaħ l-iskor għal Wolves. |
