Qed jiġi rrappurtat li ċ-champions il-ġodda Napoli qed jirriskjaw li jitilfu lid-difensur tal-Korea t’Isfel, Kim Min-Jae. Fil-fatt, Manchester United huma ferm favoriti li jiksbu s-servizzi ta’ dan il-plejer li tant impressjona matul dan l-istaġun u kien parti mis-suċċess tad-dipartiment difensiv tal-Partenopei.
Minkejja kollox, in-Naplitani diġa’ għandhom pjan B hekk kif id-direttur sportiv Cristiano Giuntoli qed isegwi b’attenzjoni l-progress tad-difensur ta’ Union Berlin Danilho Doekhi. Dan jista’ jkun id-difensur li jmiss li jista’ jilgħab fi Stadio Diego Armando Maradona għalkemm iridu joqogħdu attenti minn Inter li wkoll qed jevalwaw il-possibbilta’ li jakkwistawh.
