Solvuti aktar każi ta’ serq minn djar ta’ anzjani
Tressqu l-Qorti Jasmine Azzopardi ta’ 43 sena minn Raħal Ġdid u Natalie Bonello ta’ 45 sena minn Wied il-Għajn mixlija b’erba’ serqiet minn residenzi ta’ anzjani. Il-każijiet seħħew bejn Frar u April li għadda.
Mistoqsija x’se twieġeb għall-akkużi miġjuba kontriha, Azzopardi għażlet li tibqa’ siekta, mentri Bonello wieġbet li hija ħatja. Il-prosekuzzjoni talbiet piena fil-massimu, li tkun tirrifletti l-gravita’ ta’ dak li seħħ billi wkoll ħadet vantaġġ min-nies vulnerabbli.
Il-Qorti kkundannat lil Natalie Bonello 30 xahar ħabs waqt li ordnat li hija tibda ssegwi u tiffinalizza programm li jgħinha fid-dipendenza li għandha fuq id-droga. Azzopardi baqgħet tinżamm taħt arrest preventiv.
Il-prosekuzzjoni tmexxiet mill-Ispettur Jonathan Ransley.
Aqra wkoll: