Mara tqila u t-tarbija li kellha f’ġufha mietu traġikament wara li t-trakk li kienet qiegħda ssuq ħabat ma’ kukkudrill li kien qed jaqsam l-awtostrada f’Texas, l-Istati Uniti. Il-Pulizija identifikaw lil mara bħala Gabrielle Breaux, ta’ 33 sena. Il-każ seħħ nhar il-Ħadd filgħodu.
L-uffiċjali tal-pulizija li waslu fuq il-post tal-inċident qalu li t-trakk li l-mara kienet qed issuq inqaleb qrib ħanut tal-ħaxix, wara li baqa tielgħa fuq il-kukkudrill. Dak il-ħin fit-trakk kien żewġ adulti u tlett itfal. Dawn kellhom jittieħdu b’urġenza fl-eqreb sptar għal kura medika.
Kelliem għad-Dipartiment tas-Sigurtà Pubblika qal li l-omm, Gabrielle Breaux residenti Louisiana, ittieħed l-Isptar DeTar, fejn aktar tard, għall-ħabta tas-5:45 a.m ġiet iddikjarata mejta. Huwa żied jgħid li saru wkoll tentattivi biex tiġi salvata it-tarbija fil-ġuf iżda sfortunatament dawn ma rnexxewx.
Ta’ min jinnota li l-preżenza tal-kukkudrilli fl-Amerika saru komuni immens speċjalment fix-xmajjar u fil-parks, inkluż fil-Ivant ta’ Texas. Dan ġie kkonfermat mid-Dipartiment tal-Parks u l-Fauna Selvaġġa ta’ Texas.
Dan l-inċident f’Texas seħħ tmien snin wara li raġel allegatament irnexxielu jaqbad kukkudrill twil 24 pied li emmen li kien kiel lil martu li kienet xahrejn tqila.
