Marcelino Garcia Toral jinsab ferm viċin li jingħaqad ma’ Villareal fi Spanja. Id-diriġenti ta’ dan il-klabb għadhom kemm neħħew lill-kowċ Pacheta speċjalment wara t-telfa ta’ 2-1 kontra Atletico Madrid fi tmiem il-ġimgħa li għaddiet.
Il-kowċ ta’ 58 sena kien beda l-istaġun ma’ Olympique Marseille iżda kien hu stess li telaq minn din il-kariga wara diżgwid mal-president Pablo Longoria.
Villareal xejn m’huma għaddejjin minn mument tajjeb minħabba li jinsabu fl-14-il post tal-klassifika bi 12-il punt minn 13-il partita.
